ՅՈՒՆԻՍԵՖ-ի, Համաշխարհային բանկի, Առողջապահության համաշխարհային կազմակերպության (ԱՀԿ) և ՄԱԿ-ի Բնակչության բաժնի համատեղ զեկույցի համաձայն՝ 2024 թվականին հինգ տարեկանից փոքր երեխաների մահը կկազմի մոտավորապես 4.9 միլիոն։ Սա ցույց է տալիս, որ մանկական մահացության նվազեցման առաջընթացն արդեն դանդաղել էր մինչև անցյալ տարվա միջազգային օգնության կրճատումները։
Զեկույցում նշվում է, որ մահերի մեծ մասը, որոնք հիմնականում պայմանավորված են վաղաժամ ծննդաբերության և մալարիայի բարդություններով, կարող էին կանխվել՝ ընդլայնելով առողջապահական ծառայությունների հասանելիությունը։
2000 թվականից ի վեր կանխարգելելի մանկական մահացությունների թիվը կրճատվել է ավելի քան կիսով չափ, սակայն առաջընթացը դանդաղել է 2015 թվականից ի վեր։
2022 թվականին գրանցված 4.9 միլիոն ռեկորդային ցածր ցուցանիշից և 2023 թվականին 4.8 միլիոնի հետագա անկումից հետո մանկական մահացության մակարդակը, կանխատեսումների համաձայն, կրկին կբարձրանա՝ հասնելով 4.9 միլիոնի 2024 թվականին։
Այնուամենայնիվ, 2024 թվականի աճը կարող է պայմանավորված լինել հաշվարկման մեթոդաբանության փոփոխությամբ,- հայտարարել են գերատեսչությունները՝ կոչ անելով խուսափել տվյալների ուղղակի համեմատությունից։
Սկզբնաղբյուրը՝ Iran.ru լրատվական կայք