Ռուսաստանի պաշտպանության նախարարը վստահություն է հայտնել, որ Մոսկվան և Թեհրանը կաջակցեն միմյանց Իսլամական Հանրապետության դեմ ԱՄՆ-ի անօրինական ագրեսիայի հետևանքով ստեղծված իրավիճակում։
Ռուսական ՏԱՍՍ լրատվական գործակալության փոխանցմամբ՝ Անդրեյ Բելոուսովը այս մասին հայտարարել է Իրանի պաշտպանության փոխնախարար Ռեզա Թալեյ-Նիկին երկուշաբթի օրը Ղրղզստանի Բիշքեկ քաղաքում կայացած հանդիպման ժամանակ։
Բելոուսովը հայտարարել է, որ աջակցությունը կտրամադրվի «ինչպես նախկինում` անկախ իրավիճակի զարգացումից», ասվում է հայտարարության մեջ։
Հանդիպումը տեղի է ունեցել Միացյալ Նահանգների կողմից իրանական նավերի և նավահանգիստների անօրինական շրջափակման պայմաններում, չնայած ԱՄՆ նախագահ Դոնալդ Թրամփի կողմից հրադադարի հայտարարությանը և հետագայում այս ամսվա սկզբին հրադադարի միակողմանի երկարաձգմանը։
Սկզբնաղբյուրը՝ Iran.ru լրատվական կայք