Մինչև 2030 թվականը աշխարհում գրեթե յուրաքանչյուր երկրորդ սմարթֆոնը կունենդ արբանյակային կապ. այսպիսի եզրակացության է եկել Counterpoint Research ընկերությունը չորեքշաբթի հրապարակված զեկույցում։ Սա վկայում է տեխնոլոգիայի թռիչքային զարգացման մասին, որը ընդամենը չորս տարի առաջ համարվում էր պրեմիում դասի սարքերի գործառույթ։
Վերլուծության համաձայն՝ տասնամյակի վերջին ոչ գեոստացիոնար ցանցերի (NTN) աջակցությամբ սմարթֆոնների բաժինը կկազմի համաշխարհային մատակարարումների 46%-ը։ Աճի շարժիչ ուժը կլինեն Apple, Samsung, Google և Huawei ընկերությունների ֆլագմանային սարքերը։ Հետազոտության արդյունքները ցույց են տալիս ինչպես տեխնոլոգիայի զարգացման դինամիկան, այնպես էլ այն խոչընդոտները, որոնք դեռ պետք է հաղթահարվեն, նախքան այն կդառնա ստանդարտ գործառույթ բոլոր գնային կատեգորիաներում։
Apple-ը առաջատար է, բայց Android-ը հետ չի մնում
Counterpoint-ի գլխավոր վերլուծաբան Սոումեն Մանդալի տվյալներով՝ Apple-ը հարթել է սմարթֆոններում արբանյակային կապի զանգվածային օգտագործման ճանապարհը՝ շնորհիվ 2022 թվականին iPhone 14-ի շրջանակներում Globalstar-ի հետ համագործակցության, և դեռևս մնում է առաջատար արտադրողը NTN աջակցությամբ սարքերի մատակարարումների քանակով։ Ավելի քան 10 բրենդ արդեն առաջարկում են այս գործառույթը, ինչը վկայում է ոլորտում տեխնոլոգիայի արագ տարածման մասին՝ Apple-ի առաջին քայլից ի վեր։
Սկզբնաղբյուրը՝ Tech.news լրատվական կայք