Երկու պաշտոնյաների խոսքով՝ Իրանը հասել է «լիակատար հետախուզական գերազանցության» երկրի հյուսիս-արևմուտքում, և նրանք զգուշացնում են իր թշնամիներին տարածաշրջանում ցանկացած «սխալ հաշվարկների» մասին։
Press TV-ի փոխանցմամբ՝ Իսլամական հեղափոխության պահապանների կորպուսի (ԻՀՊԿ) ցամաքային ուժերի հրամանատար, բրիգադի գեներալ Մոհամմադ Քարամին երկուշաբթի օրը Իրանի հյուսիս-արևմուտք կատարած այցի ժամանակ հայտարարել է, որ տարածաշրջանի օպերատիվ գոտիներում տեղակայված ուժերը «պատրաստ են հակազդել թշնամիների, ինչպես նաև ահաբեկչական խմբավորումների առաջնորդների և անդամների կողմից կատարված ցանկացած սխալ հաշվարկի»։
Նա հավելել է, որ Սեյեդ ալ-Շոհադա Համզա ավիաբազայի ուժերը տարիների ընթացքում արժեքավոր փորձ են կուտակել Իրանի տարածքը պաշտպանելու գործում։ Հրամանատարը հավելել է, որ նրանք համատեղում են հավատքը, ժամանակակից տեխնոլոգիաները և գիտական ներուժը՝ բարձրացնելով իրենց մարտական պատրաստվածությունը։
ԻՀՊԿ հրամանատարը զգուշացրել է, որ իրանական ուժերը պատրաստ են «այս հողը վերածել թշնամական տարրերի և վարձկանների զանգվածային գերեզմանոցի»։
Սկզբնաղբյուրը՝ Iran.ru լրատվական կայք